Tukad Hudson

Tukad Hudson inggih punika satunggil tukad antuk lantang 315-mil (507 km), sané membah saking kalér kelod utamanyané nglintangin kepahan kangin New York, Amérika Serikat. Punika mawit saking Gunung Adirondack saking Upstate New York ring Danu Henderson ring kota Newcomb, lan membah kelod nglintangin Lebah Hudson nuju Labuhan New York ring pantaraning Kota New York lan Kota Jersey, lan maloloan nuju Samudra Atlantik ring Celuk Upper New York. Tukad puniki dados wates fisik pantaraning negara wagian New Jersey miwah New York ring muncuk kelodnyané. Luwih doh ring kalér, punika nyihnayang wates lokal pantaraning makudang-kudang County New York. Atenga sor tukad punika inggih punika loloan tidal, dalem saking toya sané membah, ngranjing ring Fjord Hudson, inlet sané kawentuk ring aab sané pinih anyar ring glasiasi Amerika Kalér, sané kakenehang 26.000 ngantos 13.300 warsa sane sampun lintang. Yadiastun doh kalér sakadi kota Troy, memabahan tukad punika mauwah arah nyarengin pasang susut.